Adega-Ferrolterra vén de solicitar ao goberno do PSOE na cidade de Ferrol, que leven a cabo o que dias atrás xa solicitara o BNG de Ferrol no relativo a recuperacion das árbores cortadas entre a Malata e Santa Mariña.
Hoxe en día a ciencia demostrou, que nas cidades onde existe gran cantidade de árbores urbanos e zonas verdes, son zonas onde a saúde quer física quer mental da xente mellora e estase a comprobar, que trastornos como a ansiedade, a depresión o stress, a presión arterial entre outros problemas, redúcense en número e, pola contra, a capacidade de recuperación da persoas ante os problemas físicos ou psicolóxicos aumenta.
As árbores agasállannos unha mellor calidade de vida, mais tamén son importantes para ter un medio ambiente san e nas poboacións onde se fixan estes, están con condicións de obter máis e mellores beneficios em saúde.
As árbores regálannos interesantes favores:
- Absorben grandes cantidades de dióxido de carbono, co cal, están a favorecer que o efecto do calefactor, que estamos a por na atmosfera sexa menor.
- Fixan e eliminan partículas contaminantes, co cal, favorecen ter un ambiente menos polucionado.
- Favorecen a biodiversidade nas cidades mellorando a calidade de vida das persoas.
- Eliminan o ruído próprio dos núcleos urbanos.
- Diminúen o calor en verán e absorben frío en inverno,co cal, as rúas e edificios arredor onde se plantan e medran as árbores benefician quen nelas transitan e viven.
Desde ADEGA-FERROLTERRA poderíamos seguir escribindo largo e tendido dos beneficios que nos aportan as árbores. Por todo isto desde esta asociación, queriamos pedirlle ao goberno do concello de Ferrol, que faga efectivo o que desde o BNG de Ferrol en días pasados solicitáronlle, de repoñer as árbores que foron cortadas no entorno entre a Malata e Santa Mariña no paseo peonil paralelo a autoestrada AP9, para volver a ter un corredor verde nesa parte da cidade e xunto a isto, aproveitar esta ocasión para por as especies máis favorecedoras quer desde o punto de vista medioambiental quer desde o punto de vista de adaptación desas especies no entorno, mantemento máis doado e tamén que promovan o deleite paisaxístico e dos lucros que aportan a cidadanía en xeral.