Despois de ter valorado desfavorabelmente o parque eólico de Badulaque ( Enel Green Power), a Xunta declara a excepcionalidade de 13 parques eólicos supostamente ligados a proxectos industriais, alguns dos cales pon en risco o Xeoparque en curso. Fica demostrada a total submisión do Goberno galego aos oligopoios eléctricos e ao ditado de Madrid e á carta para que continuen a saquear os nosos recursos sen haber un verdadeiro retorno social e económico como contraprestación para a xente do común
A aprobación no Parlamento da Galiza apenas cos votos favorables do PP dunha alteración regulamentar através da Lei 9/2021, de 25 de febreiro, que abriu a porta à instalación de parques fora daquelas áreas no presuposto de que tiñan “un clara impacto territorial pola sua entidade económica e social, espiña dorsal e función estruturante do território e que asín sexan declarados polo Consello da Xunta de Galiza”. Con apenas esa frase de efeito está praticamente suprimida a planificación eólica na Galiza, ao permitir a construción de parques à descrición en calquer lugar onde haxa vento e non é expresamente proibido, malia a coitada Rede Natura e por en risco o desenvolvimento e aprobación de proxectos de interese comarcal, nacional e internacional como é o Xeoparque de Cabo Ortegal da UNESCO ( que debe respeitar as leis locais e nacionais relacionadas com a protección do património xeológico. locais de patrimonio xeolóxico determinar o status de Xeoparque Global da UNESCO duma área debe ser legalmente protegxida antes de apresentar un pedido de designación; unha alavanca que debe ser usada para promover a nível local e nacional a protección do património xeológico.)
Desta forma, os proxectos Badulaque, Barqueiro, Santuário, Tesouro, Moeche e Caaveiro (na parte e Naraío) promovidos pola ENEL Green Power e cunha potencia combinada de 611 Mw, ben como os proxectos Levante e Boura proxetados por Greenalia Wind Power, ten cada vez mais viso de se tornaren unha realidade, apesar de até agora non ter habido resposta às denúncias apresentadas pola viziñanza e polos Concellos dos concellos afectados, se ben é significativo o silencio daqueles gobernados polo PP e o PSOE
Se as empresas beneficiadas executan os proxectos que Xunta e Goberno de España veñen autorizar, nos vindeiros dous anos dos 4.000 pasariase 4500 ( 3.000 MW a sumar aos 4.000 MW actuais
O caso é que se as empresas executan os proxectos que Xunta e Goberno de España veñen autorizar, nos vindeiros dous anos dos 4.000 pasariase 4500 ( 3.000 MW a sumar aos 4.000 MW actuais. Porén, foi a própria conselleira de Medio Ambiente quen afirmou que varias zonas as análises de “sinerxías negativas” dos proxectos eólicos determinan que xa “hai unha masificacion e polo tanto non se poden seguir instalando parques”.
O Goberno de Alfonso Rueda fixo un balanzo das declaracións de impacto ambiental entre os parques de menos de 50 MW, que son os que dependen de Galiza, fronte aos que acadan máis potencia e que dependen do Estado español. Pois ben, 77 declaracións de impacto ambiental, que suman 2.200 MW (500 aeroxeradores) foron positivas. Pola contra 43, que sumarían máis 1.114 MW, foron negativas.
En relación aos parques estatais, aqueles con mais de 50 MW, o Governo de España na Galiza informou sobre a autorización ambiental de 7 instalacións con 130 aeroxeneradores e 712 MW. Os novos parques obxeto deste comunicado son promovidos pola Enel Green Power: Badulaque (90MW), Barqueiro (150MW), Santuário (180MW), Tesouro (60MW), Moeche (53MW) e Caveiro-Naraío (72MW), cun investimento total de 579, 6 milóns de euros; e dous novos da Greenália: Levante (106,4MW) e Boura (72,8MW), cun investimento asociado de 127 millóns, esclarecendo a suposata excecionalidade de 13 parques eólicos ligados a proxectoss industriais. Como debe ser lembrado, a Xunta de Galicia informou desfavorablemente en xullo de 2021 sobre todos os proxectos tramitados polo Estado -aqueles que superan os 50 MW de potencia- que estaban fóra da delimitación das áreas de desenvolvemento do Plan Eólico de Galicia. Segundo o argumentario da Xunta, os 7 parques autorizados polo Estado teñen comprometida a súa producción a prezos estables coas fábricas de Alcoa e Showa Denko ,o que serviulle á Xunta para facilitar a súa implantación en lugares non previstos polo Plan Eólico galego e acelerar a súa tramitación no que respecta aos relatórios que debía emitir sobre eles.
En conferencia de imprensa, o vice-presidente económico da Xunta, Francisco Conde, defendeu que as promotoras Greenalia e Enel, obtiveron mais de 230 MW nos proxectos autorizados pola Xunta, deberian manter os seus compromisos enerxéticos coas indústrias ainda que nen todos os parques de competencia do Estado teñan recebido autorización
