Organizado polo colectivo literario In Nave Civitas xunto coa Asociación de Escritores e Escritoras en Lingua Galega e do Museo de Belas Artes,A Coruña celebará o 21 de decembro a cuarta edición o día de Urbano Lugrís. Coincidindo coas datas de Nadal, preséntase como unha boa oportunidade para revisitar a obra do “pintor do mar”. No Museo de Belas Artes poderase ver o mural “Visión da Coruña, 1830”; unha obra que Lugrís pintou na parede da casa dun familiar en Madrid e que agora volta á Coruña
Pasarúas surrealista
O sábado hase completar In Nave Civitas, a partir das seis da tarde. O obradoiro de paraugas pintados trasladarase ao adro do museo; xa no interior, o poeta berciano Rodrigo Osorio dará a benvida ao mural coa oda A Arribada, composta especialmente para ocasión. De aquí sairán os paraugas, en manifestación surrealista, polas rúas da Pescadería até a Praza de Sellier, onde se realizará un recital poético aberto a todos aqueles que queiran participar coa súa palabra neste feliz retorno dunha obra Urbano Lugrís á cidade da Coruña.
