As abondosas achegas sobre literatura oral de Galicia nas que Antonio Fraguas traballou, especialmente as dedicadas ás cantigas, teñen o seu espazo na nova edición de Primavera das Letras, a porta que a Real Academia Galega abriu en 2016 pensando na cativada de educación infantil e primaria, e mais nos mestres e mestras que traballan neste nivel educativo,achegando documentación interactiva e fichas didácticas.
Antonio Fraguas (Loureiro, Cotobade, 1905 – Santiago de Compostela, 1999) é o protagonista do Día das Letras Galegas de 2019. A Real Academia Galega elixiu nesta ocasión un home que traballou arreo para difundir os tesouros que herdamos dos galegos e galegas que nos precederon: a lingua e a cultura popular. A súa vida é un exemplo de paixón polo coñecemento e polo país.
Escoitamos regueifas, xotas e muiñeiras nesta nova actividade interactiva da #PrimaveradasLetras de #AntonioFraguas #LetrasGalegas2019
Podedes atopar máis recursos para os rapaces e rapazas de infantil e primaria na nosa web https://t.co/PtuoEQN6Yhhttps://t.co/TDOWrhus8F pic.twitter.com/ZBNpLwLdZx— Real Academia Galega (@AcademiaGalega) April 10, 2019
Para saber máis
Biografía elaborada polo académico correspondente Clodio González Pérez para o sitio web da Real Academia Galega: www.academia.gal