A falta de mantemento acumulado desde a súa inauguración foi mostrando a inadecuación do proxecto orixinario ao clima atlántico
Estes días estanse a levar a cabo obras de limpeza no caleiro e traballos de reparación nas baixantes no auditorio municipal. A falta de mantemento acumulado que sufriu o edificio foi a orixe dun problema que viña xerando importantes manchas de humidade no exterior. A porosidade da pedra usada precisaba unha caleira para esgotamento de augas xa que o alzado do edificio ten unha frontaria escasamente protexida, o que provocou que ó pouco foran aparecendo nódoas de humidade nas fachadas principal e lateral do inmobel.
O proxecto que está en fase de execución estará rematado en dez días, segundo as previsións do Concello. Trátase unha intervención de obra menor que está s ser executada pola empresa Revestimentos Valdoviño SL. O importe da contratación foi de 2.825,56 euros. O goberno municipal non descarta que se teña que acometer unha segunda intervención para recuperar o aspecto orixinal dun edificio que pasou algún tempo sen recibir os cuidados necesarios para garantir a súa conservación.
Confíase que alomenos agora, con estes primeiros traballos se estea poñendo fin ao seu deterioro estético.
