A análise revela máis do doble para E. Coli e enterococos aos valores máximos permitidos polo RD 1341/2007 que regulan a calidade de augas de baño. Os resultados contrastan coa información oficial do Concello de Cedeira que na altura afirmaba que os residuos estaban orixinados só por xabróns e deterxentes, non fecais.
Recentemente ANOVA, BNG e IU véñen de facer públicos os resultados dunha análise encargada a un laboratorio de análise e calidade medioambiental realizada o 8 de agosto partires dunha mostra de auga superficial recollida na marxe esquerda da ponte vella.
Sempre coa precaucion e provisionalidade que corresponde á realización de análises con metodoloxías diferentes (neste caso diferente á acreditada pola ENAC e sen peritaxe notarial), Ollaparo tivo acceso ás conclusións ás que chega este laboratorio logo de evidenciar que a maioía dos parámetros non teñen un valor límite na normativa en vigor e malia a ambigüedade da normativa e a dilución de auga mariña, son reveladoras e contrasta coa información oficial fornecida dende a administración local uns dias antes cando Rubido afirmou que ” non había restos fecais, tratándose só de bolas de graxa e deterxente”. Vergara (PSOE), pola súa banda, desentendeuse do apoio das forzas de esquerda a Somos Cedeira*, adicándose á confusa política dos comunicados de prensa logo de tentar crear sen éxito outra plataforma que agás o seu grupo político non contou cos apoios de ninguén.
Nos comentarios ao informe, o laboratorio contrasta os dados obtidos da mostra realizada coa lexislación a seguir: Real Decreto 1341/2007 de regulación da calidade das augas de baño (fixa os valores límite de calidade para enterococos intestinais e E.Coli); Lei 9/2010 de Augas de Galicia (anexo II de obxectivos de calidade das rías de Galicia; e o Plan Hidrolóxico de Galicia Costa.
Todo apunta a moi mala calidade da auga nun contexto normativo ambiguo
A problemática da auga está baixo normativas diferentes (algunhas delas calculadamente ambiguas entre as competencias de noso e as españolas, interpretables segundo a equidistancia política entre delas) segundo se trate da baixante do rio (augas residuais) ou das augas de baño (praia). Por outra banda, o Plan Hidrolóxico Norte 1 xa prevé e sinala como causa da contaminación dos rios a “falta de experiencia no deseño e explotación das E.D.A.R” (engadindo: “e unha causa tan obvia que non precisa comentario”). E máis acrescenta, respeito á regulación da incorporación dos verquidos ao rio que “a regulación dos efluentes ademáis das augas de choiva é unha técnica empregada xa noutros paises”.
Por outra banda, convén expoñer que o Plan Hidrolóxico de Galicia Costa 103/2003, lembra no capítulo 15 relativo a autoridades competentes que as entidades locais exercen competencias en materia de medio ambiente, entre as que destaca expecíficamente, a máis da xeral protección do medio ambiente, a da rede de sumidoiros e o tratamento de augas residuais
Se na análise procipiada polo goberno do PP se insistía en que a enxurrada da estación de bombeo só era de graxa e deterxente, esta nova análise tira a conclusión que os compostos orgánicos DQO, DBO5, deterxentes e aceites e graxas, é baixo, mas os níveis de contaminación microbiolóxica por coliformes totais enterococos e E. coli eran moi elevados superando o establecido no Real Decreto 1341/2007 de regulación da calidade das augas de baño. Máis do doble para e. coli e enterococos cando os valores máximos permitidos polo RD 1341/2007 que regulan a calidade de augas de baño e a Lei 9/2010 de augas de Galicia ( determina os obxectivos a curto prazo dos valores máximos admisibles para a calidade da auga da ría), chegando a ser 50 veces máis que os obxectivos que marca a Directiva de Augas de UE para finais de 2015. A propia lei xa o designa de xeito difuso como “obxectivos” de Coliformes totais admisibles para a calidade da auga da ría. Tratándose de 1500 coliformes totais está por ver se Sanidade se refiere á suma dos coliformes patóxenos.
[wzslider autoplay="true"] Fotos tiradas entre o 11 o 14 de agosto
*Somos Cedeira é unha plataforma cívica que vén defendendo a necesidade dunha solución integral para a problemática da praia e a ría, pescudando tamén a orixe das enxurradas ao rio con documentación e información que servira á cidadanía para coñecer a situación real da calidade das augas.
Ao mellor tamén che interesa:
Bolasfeden, o futbol e as crónicas de terraza
Pensas que o Concello de Cedeira está a facer o correcto coa xestión da Depuradora de Augas?
A estación de bombeo segue cagando bostas de graxa e restos fecais
Cedeirenses e visitantes saen á rúa para defender a calidade a auga do rio e da ria de Cedeira
