Unha representación do Comité de empresa de Siemens Gamesa, mantivo unha xuntanza no Parlamento do Hórreo co grupo parlamentar do BNG, entre eles, Ana Pontón, Néstor Rego e Mon Fernández.
A representación do Comité de Empresa, conformada por CCOO e UXT, trasladou a problemática da posíbel deslocalización da planta de SG que ten na localidade de As Somozas, e que nestos momentos a reducción da carga productiva nesa factoría pon en risco o futuro a corto prazo da actividade fabril da mesma, após trasladar a semana pasada ao responsábel de RRHH de España e o responsábel de operacións onshore que non hai activación de novos pedidos.
Esta situación agravase coa non renovación de contratos de persoal eventual, e a finalización dos pedidos en curso, levando a planta nas próximas semanas, a un tempo de sub actividade.
O CE solicitou ao BNG, que nas instancias autonómicas e estatais, intercedan para reclamar aos órganos competentes, Xunta de Galicia, por ter a por ter a competencia de Industria en Galiza, e Ministerio de industria e Transición ecolóxica, que puxeran os mecanismos e líñas de competividade e I+D+I, para manter a continuidade da fábrica.
Vincular a adxudicación de MW á xeracion de emprego e potenciar a industria eólica
Segundo fontes consultadas, o BNG transmiteu que hai que vincular a adxudicación de MW en Galiza á xeracion de emprego e potenciar a industria eólica como sector estratéxico mantendo a industria existente e buscar as líñas de actuación para a súa potenciación, sendo Galiza un referente como produtor, tecnólogo e promotor dunha industria que a corto plazo terá unha forte expansion e da cal no podemos perder o tren, que enriquece o tecido social e productivo do pais.