Segundo os dados do derradeiro informe da Organización Internacional do Traballo (OIT), España é un dos catro paises com máis cárrega de traballo temporal e parcial involuntario. O segundo con máis temporalidade- o primeiro é Chipre- e o cuarto en contratos a tempo parcial involuntario. O ano 2015 só foi superado por Grecia, Chipre e Italia.
No outro extremo, Austria e Alemania son os paises onde hai menos asalariados que traballan a tempo parcial de xeito non voluntario. Segundo o informe da OIT, o estado español tamén está entre os que superan a media europea en risco de pauperización, quer dicer, onde hai unha proporción máis alta de empregados que cobran menos do 60% do salario medio do país. O chamado de atención sobre cualidade dos postos de traballo novos que se están a crear en España contrasta co recoñecimento de que será un dos poucos paises onde se prevé un “crecemento significativo” da ocupación durante 2017 xunto con Irlanda, Croacia, Holanda e Portugal. Feito que revela un mercado de traballo deficiente nun contexto no que a OIT prevé que a taxa de desemprego muncial crecerá unha décima este ano até o 5,8%. O que supón que millóns de persoas ficarán sen traballo e a totalidade de desempregados superará os 201 millóns de persoas en 2017. Efectos todos eles segundo a OIT que ainda han deixar a súa pegada no mercado de traballo ao longo deste ano. Unha pauperización do proletariado europeo e mundial que alarga ainda máis as desigualdades laborais e sociais entre sexos, no tipo de contractación e nos salarios.
