A reaberta sala Áncora acolleu onte a presentación da Guia e do proxecto de Xeoparque do Ortegal
O xeólogo Francisco Canosa fixo a presentación acompañado do mestre e naturista Rafael Loureiro, autor do imprescindible blog “Ao noroeste do noroeste” e ideador da proposta de acadar a denominación de Xeoparque do Ortegal. O acto contou tamén coa presenza do alcalde Luis Rubido xa que a “Guía xeolóxica de sete xeorrutas no Concello de Cedeira” vén de ser publicada polo concello nunha tirada de mil exemplares, a portavoz do BNG María Xosé Rodríguez, o cronista local Rafael Usero e algúns membros da asociación
Cabo Orteal ten sido un foco de atracción para os xeólogos na medida que a súa códia é un laboratorio no que estudar rochas que están a máis 40 quilómetros cara o interior da Terra e teñen por volta de 400 millóns de anos. Esta guia propón un roteiro litoral polos cantís de Teixido, percorrendo os xacementos e proliferacións de titanio, cromo granate e as praias de area negra non volcánica do litoral.A presentación permitiu coñecer o proxecto do Xeoparque e a recén creada asociación de “Amigos do Parque Xeolóxico do Cabo Ortegal” orientada á necesidade de soeguer a declaración de Parque perante a UNESCO e recuperar o patrimonio xeolóxico, favorecendo a consevación e transformándoo nun recurso de dsenvolmenteo sustentable a través de diversas líña de actuación como a divulgación, a conservación, a educación, a investigación en xeociencias e o turismo.
Valor comarcal