A manifestación de Vigo contou coa participación dos principais colectivos sociais da cidade, o histórico sindicalista francés José Bové e Clemente Durán, un dos capitáns do 25 de Abril.
A manifestación de Vigo foi a máis concorrida das doce convocadas pola central nacionalista CIG . Participando, ademais dos principais colectivos sociais da cidade, o histórico sindicalista francés José Bové e Clemente Durán, un dos capitáns do 25 de Abril.
Ao remate da marcha, xa na Porta do Sol, o secretario xeral da CIG, Xesús Seixo, incidiu na necesidade de conquistar un novo modelo socioeconómico.
“Hoxe máis ca nunca reafirmámonos na reivindicación e no compromiso por un novo modelo económico e social máis xusto e solidario”.
O lider sindical fixo fincapé en que s grandes empresas explotan os nosos recursos naturais e enerxéticos; mesmo as que tendo capital galego, teñen a súa sede social en Madrid e pagan alí os impostos.
A CIG salientou durante toda a campaña do 1º de Maio na dramática situación de Galiza, con máis de 280.000 desempregados/as, e onde nos últimos tres anos 90.000 persoas marcharon á emigración en busca dun traballo. Ademais, preto de medio millón están en situación de pobreza (10.000 son menores de 18 anos), e cada mes máis de 150 familias perden a súa vivenda. O sindicato galego lembra no seu web que !”ante a proximidade das eleccións europeas, defendese a necesidade de que Galiza siga a ter presenza no Parlamento europeo a través dos deputados/as nacionalistas”, xa que “dende a UE estrangulan a economía de Galiza, o naval, a pesca, o sector agrogandeiro, a industria láctea, o sector financeiro. O noso déficit comercial é do 82%. Cada vez dependemos máis dos productos de fóra”.
