A CIG vai desenvolver unha campaña contra a persecución da loita obreira e para esixir a absolución do sindicalista cedeirense Xesús Anxo López Pintos, que os vindeiros días 12, 13 e 14 de novembro se enfronta a un xuízo na Audiencia Provincial pola súa participación nunha mobilización no ano 2012. A central sindical ven de facer un chamado ás outras organizacións sindicais para que se sumen aos diferentes actos e iniciativas que se convoquen porque “este atropelo atinxe a toda a clase traballadora”.Pintos, na altura cosecretario comarcal da CIG en Ferrol, foi detido en outubro no marco dun protesto de traballadores e traballadoras do naval. Denunciou agresións e insultos durante a súa estancia na comisaría: “Estaba agrilloado a unha cadeira na comisaría. Un policía batíame mentres o resto miraban”.
Porén caso de Pintos non é illado, senón que no resto do país están abertos varios procesos xudiciais e administrativos, motivo polo que CIG ten en marcha unha campaña contra a criminalización da mobilización social e na defensa dos dereitos e liberdades baixo o lema “Non hai represión que pare a loita obreira”.
#represiónsindical
#persecucion
#DefenderOsDereitosNonÉdelito
#XustizaParaPintos
