Unha delegación de mulleres do sector pesqueiro galego participa nun encontro internacional en Bruxelas os días 24 e 25 de febreiro. Comeza a segunda xeira coa intervención da delegación galega destacando que a visibilización das profesionais do mar e a promoción da igualdade é un dos seus principais obxectivos. Hai tres veces máis de homes que mulleres na toma de decisións no sector pesqueiro. Por exemplo, as mariscadoras e redeiras non están contabilizadas como traballadoras do mar nas cifras europeas do sector.
Pódese seguir na etiqueta #mulleresdomar os eventos da delegación galega en Bruxelas e as entrevistas de RosaliaTV e @pilaraymara e nos hastags #Aktea #MulleresdoMar
Aktea é unha rede de mulleres da pesca que traballan colectivamente para o recoñecemento formal do papel das mulleres no sector e para garantir o acceso das mulleres das comunidades pesqueiras á toma de decisións a nivel europeo e nacional. É o resultado dun programa de tres anos de intercambio de experiencias entre pescadoras de diferentes Estados membros da UE sobre as súas contribucións á pesca e á acuicultura. Os intercambios centráronse no papel das mulleres no ámbito privado (empresas pesqueiras) e na esfera pública (organizacións e accións colectivas).
Despois desta sorprendente experiencia, varias organizacións de mulleres decidiron manter esta dinámica transnacional establecen.do AKTEA para continuar coa súa acción. En 2006 creouse a rede AKTEA en Ancona en Italia. Os membros de AKTEA son organizacións independentes que actúan a nivel nacional ou rexional e representan ás esposas de pescadores que realizan tarefas vinculadas ás empresas pesqueiras (venda de peixe, administración, etc …), así como pescadoras, mariscadoras e redeiras
Preguntamos polas primeiras impresións da delegación galega nas xornadas de @AKTEAwif @LIFEplatformEU #mulleresdomar pic.twitter.com/MCBSOqm9RU
— RosaliaTV (@rosalia_tv) February 25, 2020
Primeiras impresións de @anamirandapaz @BNG_ParlEuropa nestas xornadas @AKTEAwif #mulleresdomar pic.twitter.com/xsAk05kyzq
— RosaliaTV (@rosalia_tv) February 25, 2020