Segundo informa a Consellería de Medio Rural o IRDI (Índice de risco diario de incendio forestal) para hoxe, 18 de xuño de 2014 ás 09:01 é de 81%, extremo en Ferrolterra, Ortegal, A Mariña e Ourense (do Carballiño á Limia e Valdeorras) . Para o establecemento do índice de risco diario de incendio tense en conta a conxunción dos seguintes factores: a situación meteorolóxica, o estado da biomasa vexetal, o estado das infraestruturas preventivas das masas arbóreas e o estado do solo.
O índice de risco diario de incendio forestal establece, para cada unha das épocas de perigo, o risco diario de ocorrencia de incendio forestal, cuxos niveis son baixo (1), moderado (2), alto (3), moi alto (4) e extremo (5).