O vindeiro 1 de maio, concidindo co dia internacional dos traballores e das traballadoras, a Sociedade Cultural Medulio presentará na Sala Áncora de Cedeira, a “Iniciativa Lexislativa Popular polo dereito a contemplar a obra plástica de Castelao”. Para darlle pulo ao proxecto o acto contará con comentarios á obra de Castelao dos pintores Ladislau da Regueira e Avelino Catro acompañado do político, filólogo e ensaísta Francisco Rodríguez que fará unha contextualización histórica da obra plástica de Castelao.
Venres 1, 19h. Sala Áncora de Cedeira (Praza Roxa)