Defensa nen vixila nen fai seguimento do vertedoiro de explosivos F-130 fronte a costa galega. Nen coñece o tipo de munición fondeada nen controla o que alí se deita. O único coñecido é a súa localización. Por outra banda, as Consellarías do Mar e de Medio Ambiente respostaron non teren información, declarándose incompetentes e remitindo a Defensa, cousa que fixo Adega.
A sensación de desleixo e de opacidade é grande xa que agás a localización precisa do vertedoiro(un círculo de 3 millas náuticas de radio centrado nas coordenadas 43º45’N, 09º02’W o Ministerio escúdase que argumentos temporais:”Dado el tiempo transcurrido desde que dejaron de utilizarse[1995], actualmente la Armada ya no dispone de información donde se concrete el tipo exacto de munición fondeada”.
Adega informa que o que motivou a prohibición destas actividades dende 1995 é o convenio de Londres. Por tanto, é mesmo que preocupante que Defensa recoñeza que “la Armada no realiza ningún tipo de vigilancia especial relativa a la contaminación de la zona”.
O recoñecer explícitamente que se descoñece a munición depositada é como desentenderse irresponsabelmente do tipo de contaminantes que se poden ceibar ao medio ambiente. Se non hai control nin de inventario danos unha idea da improvisación e desleixo que supón alegar que “a opinión científica maioritaria está conforme con que as municións presentes no fondo mariño no n presentan riscos para a saude humana nin para a contorna se non se altera a sús situación actual”.
Con razón se pregunta Adega como como se van poder avaliar os riscos se non se sabe a súa situación actual?
A organización ecoloxista acrescenta que “o propio documento da OSPAR indica que dende abril de 1999 a outubro de 2008 houbo 7 achados casuais de munición na costa galega, todos preto do vertedoiro F-130″.
Salientando que para os autores do informe hai un claro risco para pescadores e mergulladores nas áreas das verteduras, e que os contaminantes da munición convencional e química poderían chegar á cadea trófica.
Como é que teñen que ser a sociedade civil quen reclame das administracións a aplicación das súas competencias como é coñecer de primeira mán o que se deitou con exactitude nas coordenadas 43º45’N, 09º02’W, o estado actual do vertedoiro e as medidas que pensan adoptar.
Un caso máis no que a Xunta de Galicia se escuda na falla de competencias para tornarse un organismo ao pairo e ao ditado de Madrid sen que a incerteza que alí acubilla e o potencial risco para a saúde lles sirvan de razóns suficientes.
