Teño a alma triste,
morreume o meu gato,
non estou para* chistes.
Non quero aturuxos
nin ledas foliadas
nin trucos de bruxos.
Chamábase Mico,
viña xunta min
e dábame bicos.
Cando estaba farto
íase durmir
ó sillón do cuarto.
Nas noites de inverno
co frío do leste
pasaba un averno.
Cando ía ás mozas,
voltaba lixoso
a causa das rozas
e o baño das pozas.
Hoxe ó meu Mico
déronlle un pao,
xa non lle oigo
o seu ledo miao.
Malia quen llo deu
e a súa ralea
por matar ó Mico meu!.
*Para: pra.
Cedeira, 13 de abril de 2010
