Impulsadas pola Assemblea Nacional Catalana (ANC), corenta vilas e cidades de Cataluña veñen de mudar as prazas de España en prazas da Independencia.
Mataró, Torroella de Montgrí, Roda de Ter o Tàrrega, entre outras, acolleron actos simbólicos no que se mudou o nome das prazas. Os actos están a ter ampla participación cidadán como limiar da manisfestación convocada por ANC na Diada reclamando a independencia.
Na Costa Brava, perto dun milleiro de persoas, participan nunha singladura independentista de LLoret a Tossa de Mar.
A mediados de agosto a presidenta de ANC, Carme Forcadell, vai afirmar que a concentración convocada en Barcelona o vindeiro once de setembro (Diada Nacional de Cataluña), sería ” a manifestación independentista máis importante da historia do país”. As previsións de participación semellen ir a máis e as prazas dos perto de catrocentos autobuses e dous comboios que se organizaron para achegar aos cidadáns de todo o país á capital catalana semellan estaren esgotadas. Por mor desta previsión, a ‘ANC viuse forzada a mudar duas veces o percorrido previsto da marcha para poder acoller á cidadanía que se está a mobilizar por todo o país.
Hai dias que as rúas Cataluña amosan máis “estelades” do que a decote, ao que se suman os diversos actos enmarcdos dentro da campaña ‘Marxa cap a la Independència’ , direccionada a “acordar as consciencias da poboación” e catalizar a “forzae vontalde independentista” que hai en moitas localidades.
