As plataformas Galiza por Palestina e Galiza pola Paz convocam para este domingo, 4 de outubro, uma manifestaçom nacional em Compostela sob o lema «Galiza com Palestina. Resistência, liberdade e paz». A marcha partirá às 12 horas da Alameda compostelana.
A mobilizaçom pretende voltar a levar às ruas a solidariedade galega com o povo palestiniano e reclamar o fim da ocupaçom e da violência sobre a populaçom palestiniana. As entidades convocantes denunciam a continuidade dos ataques sobre Gaza e a situaçom na Cisjordânia ocupada, onde assinalam o aumento da violência e das expulsões forçadas.
A manifestaçom foi apresentada no passado 24 de setembro por representantes das duas plataformas, acompanhados por organizaçons sociais e sindicais que apoiam a convocatória. No manifesto divulgado nessa apresentaçom, as entidades chamam a manter a mobilizaçom social e a pressom política em defesa dos direitos do povo palestiniano.
A convocatória deste domingo dá continuidade às grandes mobilizaçons celebradas na Galiza nos últimos anos. Segundo Nós Diario, a manifestaçom nacional realizada em Compostela em 5 de outubro de 2025 congregou mais de 80.000 pessoas, numa das maiores mobilizaçons galegas em solidariedade com a Palestina.
Autocarro desde Ferrol
Para facilitar a deslocaçom à manifestaçom, a CIG anunciou um autocarro desde Ferrol, com saída às 10 horas do local do sindicato em Esteiro e paragens em Caranza, Fene e Vilar do Colo. As reservas podem realizar-se nos telefones 981 358 750 e 624 347 785 (WhatsApp).
Domingo, 4 de outubro · 12h
Alameda de Compostela
«Galiza com Palestina. Resistência, liberdade e paz»
