O Concello de Ortigueira vén de informar de tres focos de coronavirus Covid-19 nos que,arestora, infectáronse un total de cinco persoas, catro están hospitalizadas e unha permanece no seu domicilio. Outros dous veciños están no hospital á espera de probas que confirmen se padecen ou non a enfermidade. Segundo esta fonte,a orixe dos tres focos está nun baile celebrado o día 12 en Ortigueira; unha familia que volveu de vacacións nunha viaxe co Imserso á zona de Levante; e o contacto cunha persoa que viaxou ao extranxeiro.
En comunicado na web co concello,o alcalde explica que, «á marxe desas cinco persoas confirmadas con coronavirus, a maioría da xente en contacto con eses focos non presenta síntoma algún, polo que é moi importante permanecer en situación de confinamento porque os contaxios pódense producir aínda sen telos e -no caso de quen non estiveron preto dos focos- para no poñer en risco a súa saúde.»