O lema electoral do PP “Galicia é moito” copia unha campaña institucional da Xunta,financiada con cartos públicos, con lendas como esta: “O rural é moito”. O BNG ven de presentar duas denuncias ante a Xunta Electoral contra o Goberno da Xunta e contra o actual presidente, Alberto Núñez Feixóo, por utilizar a web institucional “para facer propaganda en beneficio do PP”, incumprindo artigo 50.2 da LOREG, que recolle expresamente: “desde a convocatoria das eleccións até a celebración das mesmas queda prohibida calquera acto organizado ou financiado, directa ou indirectamente, polos poderes públicos que conteña alusións ás realizacións ou aos logros obtidos, ou que se utilicen imaxes ou expresións coincidentes ou similares ás utilizadas nas súas propias campañas por algunha das entidades políticas que concorren ás eleccións”.
O BNG denuncia a vulneración do artigo 50.2 da LOREG por parte do PP por usar a web da Xunta e valados publicitarios, para difundir mensaxes semenllantes e mesmo calcadas ás usadas polo propio PP nas sua campaña electoral.
O Partido Popular vén de facer pública a súa campaña preelectoral “Galicia é moito” acompañada da faciana de Feixoo, -e o logo do PP reducido a mínima expresión-,encanto en paralelo difunde unha campaña institucional en valados exteriores e na propia web cos logos oficiais da Xunta que é unha copia descarada do lema electoral, lucindo lendas como “O Rural é moito”, “Galicia é familia” ou “Galicia é verde”
