O 7 de febreiro Carballo acubilla a celebración do Día dos Medios en Galego

Unha celebración ratificada no Parlamento Galego  segundo informa a Asociación de Medios en Galego no seu web e que se celebra cada ano co gallo da saída ás rúas da primeira publicación xornalística realizada integramente en galego, O Tío Marcos d’A Portela, editado en Ourense por Valentín lamas Carbajal en 1876.

Carballo  acolle a partir das 20:30h no Casino1889 o acto principal dunha celebración que tamén o é da lingua. A Asociación de Medios en Galego (AMEGA)  quere festexar cos 100 medios que cada día usan o galego para contar o que acontece no  país. Máis de 100 medios diversificados  entre a profesionalización, o amateurismo  e o voluntarismo. O acto será presentado pola regueifeira de Bergantiños, Lupe Blanco e  amenizado por Avelino González, coa participación da Deputada da área de Igualdade e Normalización Lingüística da Deputación da Coruña, María Muíño Filgueira; o Secretario Xeral de Política Lingüística, Valentín García; e a Concelleira de Normalización do Concello de Carballo, Maruxa Suárez.Pechará o acto a banda indie-punk Terbutalina.