Este xoves é a última sesión do xuízo a Suso Pintos, cuxo proceso vai concluso para a sentenza. Con tal motivo, a CIG realizará unha nova concentración de delegadas e delegados diante da Audiencia, entre ás 09:30 e ás 11:00 horas, en contra da criminalización da mobilización social e en apoio ao sindicalista Xesús Anxo López Pintos.
Nesta terceira xeira, declararán 11 sindicalistas e traballadoras que aparecen no vídeo que rexistrou un cámara da Sexta Tv, que tamén deporá como testemuña do acontecido aquel serán, cando a protesta convocada polo comité de Navantia e de Poligal en demanda de carga de traballo e por unhas condicións laborais dignas se desenvolveu de maneira pacífica diante do Hotel Almirante, onde o PP realizaba o acto de inicio de campaña ás autonómicas de 2012; como as persoas asistentes ao acto puideron saír sen problema pola porta principal e só varios cargos do PP decidiron saír pola porta de atrás.
F
oi entón cando se produciron as cargas policiais desproporcionadas nas que a policía, segundo se poderá evidenciar coas probas achegadas pola defensa, impactó directamente a Pintos, a quen bateran varias veces e a quen ameazaron con romperlle a cabeza se non se daba a volta mentres o tiñan deitado no chan A seguir, chegarán as conclusións, momento en que resta ver se o promotor altera as acusacións contra o sindicalista.
