O Concello de Cedeira vén de millorar o sinal de TV coa instalación dun equipo reemisor na parroquia de Cervo.
Os veciños dos lugares de Golmar e Trasmonte, ambos os dous situados na parroquia de Cervo, tiñan problemas á hora de recibir moitas canles de televisión, o que ten levado ao Concello de Cedeira a investir máis de 8.000 euros euros no fornecimento e instalación dun equipo reemisor do sinal de TDT. A obra xa está feita e a dificultade resolta coa adquisición do correspondente equipamento á empresa Gallega de Sistemas y Comunicaciones por importe de 8.178,28 euros (IVE incluído).
