Esta xornada ten novas mobilizacións e concentracións pola tarde, convocadas pola Plataforma galega en defensa do ensino público.
Os estudantes galegos rexeitan mais unha vez a Lomce e as reválidas lanzándose á rúa nunha xornada de greve. Calculan que foi secundada polo 90% , segundo Iria Figueroa, de Erguer, e Anxo Louzao, secretario nacional de CIG-Ensino, sindicato maioritario no sector. A xornada de protesto foi convocada por Erguer, Anega e Acción Universitaria contra unha lei “deseñada para dar maiores facilidades para estudar ás elites”. O protesto denuncia un curso 2016-17 que comezou con 84 centros públicos menos e 38 privados máis, así como que a materia de relixión compute para a media e que sexa unha lei “que ataca a nosa lingua” e que quere “devolver competencias educativas ao goberno do Estado”.
