O seu voto será para a candidata do Green Party’s, a ambientalista Jill Stein
A actriz Susan Sarandon afirma nunha entrevista no programa BBC ‘Newsnight’ que non quere a Hillary Clinton xa que representa a vella política e non abonda que unha muller poida ser escolleita presidenta dos EUA para lle dar o voto. Sarandon explica que o seu voto será para a candidata do Partido Verde ( Green Party’s), a ambientalista Jill Stein, xa que ” o medo a Donald Trump non abonda para darlle o meu apoio a Clinton”. Alén de Trump e e Clinton hai mais tres candidatos á Casa Branca: Gary Johson, do liberal Libertarian Party, Jill Stein do Partido Verde e o candidato mormón e exbanqueiro Evan McMullin.
“O motivo polo que estamos nesta situación (de crise social, política e ambiental) é porque todos votamos durante moito tempo o menor dos dous males”
Porén, a protagonista de ‘Atlantic City‘ e gañadora dun oscar por ‘Dead Man Walking’ afirmou que impulsar os candidatos independentes e progresistas é importante para mudar a axenda de goberno a través do Congreso en temas fulcrais como o cuidado do medioambiente. De feito, Sarandon deu o seu apoio explícito ao candidato demócrata que rivalizou con Clinton nas primarias, o senador de Vermont Berni Sanders. Após nomeación de Clinton polo Partido Demócrata, os militantes á esquerda do partido e algúns incondicionais de Sanders se uniran as fileiras do Green Party’s.
A candidatura que agora apoia Sarandon con teimosía é a segunda de Stein á Casa Branca xa que tamén se presentou en 2012, terminando co 0,5% dos votos. A finais de xuño esta médica e ambientalista acadaba o 5% de intención de voto.
[youtube]https://www.youtube.com/watch?v=4LoGej6BqMc[/youtube]
