O exercito do Estado de Israel abordou o veleiro Zaytouna-Oliva a unhas 35 millas náuticas da costa israelí. No veleiro ian 13 activistas propalestinos que non ofreceron resistencia.
O exército interceptou esta cuarta-feria o veleiro Zaytouna-Oliva que zarpou o mes pasado de Barcelona con destino a Gaza, para rachar o bloqueio ao que está submetido este territorio dende 2007 . As autoridades de Israel informaron que a operación realizouse sen incidencias xa que os activistas na embarcación non opuxeron resistencia, segundo relata o xornal ‘Haaretz’, e foran enviaddas ao porto de Ashdod.
En xaneiro, as forzas israelís interceptaran o barco Gaza-Bound Marianne, do que as Forzas de Defensa de Israel afirmaron que era unha pequena operación sen vítimas. O barco foi desviado cara ao porto de Ashdod, chegando alí onte á noite. O barco sueco trasportaba 20 activistas, entre eles o deputado israelí Basel Ghattas (Joint Arab List) e o ex presidente tunisiano Moncef Marzouki. En xuño de 2015 as tropas israelenses interceptaban a Flotilla da Liberdade III, coa eurodeputada do BNG Ana Miranda a bordo. Os colectivos organizadores denunciaron a acción como “pirateria” mentres o primeiro ministro de Israel, Benjamin Netanyahu, gaba a “eficiente e afouta” labor das forzas militares para parar os activistas. O barco tamén voi levado ao porto de Ashdod (Israel). En 2010, as tropas israelís asaltaron o barco turco Mavi Marmara, que tentaba romper o bloqueo á franxa. Nove pasaxeiros morreron durante a operación. Outra persoa morreu nun hospital turco en 2014 despois de estar en coma case catro anos.
