García Iglesias compartirá balcón xunto a Daniel Rei, rescatador coma el, ainda que do helicóptero “Pesca” da Xunta, con base en Viveiro.Os dous son cedeireses de nacemento, levan anos no oficio e tomaron parte nas tarefas de salvamento nas que foron rescatados con vida os 11 tripulantes do pequeiro Nova Jundiña a 40 millas do Ortegal nunha noite de temporal do pasado xaneiro. As imaxes de Manuel García subindo a un dos mariñeiros ao helicóptero deron a volta ao mundo, un recoñecemento público ante o que o pregoeiro sinala que “é un traballo como pode ser outro”.
“A xente que vai gañar ao mar ten máis mérito ca nós”
Porén, lembrou a dificultade daquela operación, nunha situación que calificou de “crítica”. A valentía da xente da mar é para Manuel García Iglesias a que merece todo o recoñecemento, un agradecemento que o día 12 lles fará chegar a través das palabras que pronunciará dende o balcón do Concello. O tripulante do Helimer 401 síntese especialmente orgulloso de que o Concello “recoñeza o traballo e o labor que facemos”.
