O Concello de Cedeira móstrase disposto a colaborar coa Xunta, máis concretamente coa Consellería de Medio Ambiente, Territorio e Infraestruturas, para mellorar o estado actual que presentan algúns treitos urbanos da estrada AC-566.
Así se desprende do encontro celebrado días atrás entre o xefe do Servizo de Infraestruturas da Coruña, Felipe de la Vega Gándaras, e o alcalde cedeirense, Pablo Moreda. Este último expuxo ao responsabel da Xunta a necesidade de repor o firme no treito de saída da vila en dirección ao Campo do Hospital e tamén no treito de entrada dende Ferrol, así como a urxencia de acometer obras de sinalización horizontal tales como pasos de peóns e liñas descontinuas, entre outras.
Beirarrúas da rúa Castelao
Moreda tamén pideu ao representante da Xunta a posibilidade de ampliar as beirarrúas da rúa Castelao. En concreto, a idea barallada pola administración local pasa por suprimir unha zona de carga e descarga de moi pouco uso para incrementar os espazos reservados aos peóns. A citada avenida é de moito tránsito. Moreda Gil di que Felipe de la Vega se comprometeu a estudar o asunto, polo que confía en que a solución aos problemas plantexados polo Concello chegará en próximas datas.
Substitución dunha canalización en Saá (Esteiro) por desprendemento
Estase substituír nove tubos de canalización na zona de Sáa-Esteiro, onde houbo un desprendemento de terreo, cunha inversión aproximada de 4.000 euros. As tuberías, de 60 centímetros de diámetro, atopábanse destrozadas polas chuvias e os arrastres, o que impedía o paso da auga do río e provocaba eses corrementos de terra. Esta situación provocaba risco para os condutores e para os peóns polo que se tomou a decisión de exectuar as devanditas obras.
Nota de imprensa: Pingota Comunicación
