Segundo o MeteoGalicia, agárdase para os vindeiros días unha alternancia de períodos de ceos moi anubrados con outros con nubes e claros. Agárdanse precipitacións tódolos días. As temperaturas serán altas para as mínimas e normais para as máximas respecto ó habitual nesta época do ano, con mínimas en descenso moderado e máximas en descenso lixeiro. Vento forte do Sudoeste do luns pola tarde ó martes pola mañá. No referido ó estado da calidade do aire, será variable pero agárdase que mude a admisibel.
Estado do mar
Intensa borrasca de 960 mb centrada sobre as Illas Británicas e estendéndose sobre o Atlántico Norte. Anticiclón de 1030 mb ao sur e preto das Azores.
Esta segunda-feira, ventos de compoñente oeste acadando forza 8 e ocasionalmente 9 no litoral norte. Ondas de mar de fondo de máis de 9-10 metros ao longo da xornada.
Vaga á mañá e á noite e media vaga á tarde.Visibilidade boa á mañá e mala á tarde e á noite.Mar de fondo do noroeste, con ondas de 6 a 7 metros á mañá e á tarde e 8 a 9 metros á noite.
