Pilar Fernández @pilaraymara é quen máis e mellor está a seguir a acampada do cerco. Os seus videos e reportaxes son de primeira man e achéganos a problemática deste sector pesqueiro coa voz e palabra dos seus protagonistas, que levan 58 dias e 58 noites acampados en San Caetano (Santiago de Compostela), “porque non lles queda outra”, afirma Manolo Presas, mariñeiro do cerco.
O seu é un xornalismo sentido e comprometido coa realidade de noso. Unha achega necesaria que nos está a permitir informanos que o problema real non é a cota, mas de reparto. Un reparto inxusto que non atende ao número de barcos nen o impacto socioeconómico nas comunidades ribeiriñas galegas que dependen da pesca artesanal.
A Consellería do Mar vén de anunciar a celebración dunha xuntanza do sector do #OCerco o dia 22 de decembro. O Presidente de @Acerga_ confirmoulle a Pilar Fernández que van asistir a esta xuntanza.
