O de Marín, cantante da Banda das Crechas que coñeceramos contra 2004 de brazo dado da grande Ugia Pedreira no vinilo Ecléctica Ensemble, xunto a Ramom Pinheiro e Richard Rivera, vén de apresentar Só. Un tema inxerido en Lobos (2015), o seu segundo traballo como solista arroupado por Santi Cribeiro. Salvado non para, en febreiro participaba no proxecto Rústica canda Cristina Pato, Anxo Pintos e Roberto Comesaña.
O intranquilo cantante que canta mansiño entende a música de noso dun xeito anovado, na xeira aberta entre outr@s por Pedreira, Marful e o propio Cribeiro de Berrogüetto, onde ecoan ensarilladas as fasquías sonoras da música vocal galega, Bjork ou Veloso. A música xerada en Galiza continua expandindo o seu universo.
[youtube]https://www.youtube.com/watch?v=bW45RfX57Sc[/youtube]
