BNG, EU, ANOVA e a plataforma cívica SomosCedeira veñen que facer un comunicado conxunto no que se denuncia a reiterativa contaminación do rio Condomiñas
Após noite de chuvia e auga a canadas, o río Condomiñas acordou cheo de restos orgánicos que axiña se depositaron na Praia da Madalena,que non é de recibo que siga aberta ao baño.
De novo, xa aconteceu varias veces nos últimos 3 anos, na lexislatura que goberna o PP, ponse de manifesto que a depuradora non dá feito coa cantidade de auga que recibe e que a empresa que xestionar non fai o seu traballo.
Unha vez máis,a cidadanía esixe que se adiquen os cartos a correxir defectos estructurais básicos como é a separación total de augas fecais e pluviais e non á falsa “humanización”ensanchando as beirarrúas, as flores e os maceteiros.
“Se fachendean de superávit- afirman- non entendemos como se pode continuar con carencias deste tipo e menos nun concello pretendidamente turístico.”
Nunca tal se vira nos últimos cincoenta anos
A contaminación fecal do Condomiñas, nunca tal se vira nos últimos cincoenta anos. Ao fracaso descomunal da xestión medioambiental e sanitaria do goberno PP de Cedeira hai que sumarlle a opacidade e a total falta de seguimento da empresa concesionaria do servizo, de cal é a situación actual e cal a previsión para unha solución definitiva. Descoñecese se a rede cubre a totalidade da zona urbanizada, de caracter básicamente unitaria, e se tendo en conta as augas residuais e industriais e tamén as achegas pluviais, que son as determinantes e dimensionais. O que está ficar en evidencia é que a EDAR non retorna auga depurada nen dispón da funcionalidade propia dos sistemas de separación que garanta un caudal ecolóxico no rio e na praia.
[wzslider autoplay=”true” transition=”‘slide'”]
