A Asociación puntoGAL presentou esta sexta feira www.dominio.gal a primeira páxina web baixo o dominio da Internet para Galiza.
Programa Pioneiros: dende o 1 de xuño ao 25 de xullo
O portal explica os prazos e os criterios que rexen o lanzamento do .gal. Así, dende o 1 de xuño a Asociación aceptará candidaturas para o Programa de Pioneiros. Durante o mes de xuño recibiranse propostas e a Asociación seleccionará, baseándose en criterios de visibilidade e notoriedade, até un máximo de 90 Nomes Pioneiros.
“Estas direccións de pioneiros entrarán en funcionamento na Rede o 25 de xullo. Os pioneiros terán a vantaxe de poder publicar webs baixo o .gal catro meses antes co resto, gozando dunha maior visibilidade”.
PuntoGAL publicará todos os detalles do Programa de Pioneiros (prezos, etc.) dentro de 15 días, o 1 de xuño, cando xa se poderá solicitar participar nesta fase.
Fase Aberta, en decembro
Fase na que todo o público poderá acceder ao dominio .gal sen restricións. As condicións e características concretas de cada fase serán publicadas no portal www.dominio.gal con antelación dabondo. Ademais, a través deste portal indícase a fórmula para consultar e solventar dúbidas.
.gal e unha aposta decidida polo galego.