Foi esta noite de arranque de campaña electoral, unha noite de neboeiro na que nos achegamos como membros que somos da Asemblea local do BNG, tamén se achegaron representando a Galiza Nova, a dar inicio e apoio á candidatura galega do Bloque representada por Ana Miranda Paz as eleccións europeas 2014.
A nosa presenza foi maioritaria, case que se pode afirmar que estabamos nós sós e dous representantes do Psoe que da presa que levaban deixaron un cartaz coa Valenciano cabeza a baixo, os “outros” ou teñen o servizo externalizado, ou pasan. Non son fieis como nós ás ensinanzas que nos deixou o bo do Avelino no número 4 de Olláparo(1986).
“Vós tedes sorte de vivir nunha democracia, aínda que esta teña unha seire de eivas e non poidamos considerala un modelo. Pero polo menos- e xa non é pouco- tedes a posibilidade e o dereito de cantarlle as corenta a calquer xerifalte”. Avelino Pousa Antelo
Unha galega do pobo e achegada ao pobo sempre que se lle reclama, e damos fe que as nosas queixas e propostas chegan a Bruxelas da súa políglota voz. Ana miranda é unha muller chea de enerxia positiva, sempre cun sorriso nos beizos, sempre dando azos, sempre mirando cara o futuro, por iso nós agasallámola cuns “sanandreses” tradicionais de de miga de pan.
Si o Bloque está Cedeira está, e Ana Miranda si estivo na vila para preocuparse das teimas d@s nos@s veciñ@s, dos problemas dos pescadores, das mariscadoras e redeiras, das nosas maiores, dos gandeiros da Capelada, da Reserva Mariña de interese pesqueiro, da Praia da Madalena.
Ese futuro é basicamente o que como colectivo soñamos no bloque e que a pesar dos moitos erros, somos quen de salventar coa praxe, co traballo, traballo e traballo, amor á terra e á nosa xente na procura dun futuros que poña a producir a nosa nación dende a sustentabilidade, dun futuro no que o mellor de nós non teña que emigrar de novo, un futuro no que podamos pescar, construir barcos, producir vento, leite, madeira ou electricidar sen vetos, cazos, monopolios, nen intermediarios. Soberanía precisamos como o pan de cada dia.
Dionisia, galega nada en Cedeira e arxentina, activista e membro das Nais de Plaza de Mayo, seu fillo Antonio Adolfo Díaz López e a súa nora Stella Maris Riganti membros do PRT foran secuestrados o 15 de Maio de 1976 polo terrorismo de estado da dictadura militar sendo desparecidos. Dionisia tamén foi membro da Comisión de Solidaridade e Dereitos Humanos do Bloque Nacionalista Galego (BNG)]
