O estado español vén de cortar as emisións de Catalunya Ràdio en territorio da Comunitat Valenciana. Segundo sinala o xornal Vilaweb: “En tres anos, o País Valencià ficou sen ningunha radio nin televisión en catalán grazas á persecución implacable do PP e da extrema dereita”. Unha medida que ben pode ser interpretada como unha respota ao avanzo do proceso catalán atacando, en expresión do poeta e xornalista Sebastià Alzamora ” os francos que identifica como máis febles no corpo da catalanidade”. A lei de símbolos das Illas Baleares resposta tamén a esta ofensiva, agravada logo do feche de Canal Nou polo propio Govern da Generalitat Valenciana.
O argumento adoita ser sempre o mesmo, non ter licencia ou os papeis en regra. Mais que están a facer os gobernos valenciano e español para garantir que os falantes dun idioma oficial do Estado non perdan os seus dereitos lingüísticos?. A presunta pluralidade cultural e lingüística de España, u-la?
