Arxentina: todo fica dentro do peronismo e algo máis

Após dez anos de kirchnerismo e dunhas eleccións sen a presenza de Cristina Fernández, logo de dous anos do seu mandato no que as políticas sociais que se estaban a aplicar ian acompañadas de inflacción ( o que preocupa aos arxentinos despois de ter experimentado o corralito nos noventa), o resultado  non sorprende, todo fica dentro do peronismo se ben expresa o  seu esgotamento.  Sen dúbida, tantos anos residindo na Casa Rosada e a descoñecida taxa de inflacción foron  espectros que sairon reflectidos nos resultados eleitorais. Iso, e a ausencia  na campaña de Cristina Fernández. Segundo o analista político Jorge Lanata o importante das eleccións é que Massa ( que foi xefe de gabinete dos K (os kirchner) dividiu o kirchnerismo e o que definiu como a “mudanza do humor social” que fixo que en dous anos pasara do 54% ao 35 %, redución de 20 puntos en un período moi curto de tempo. Para Lanata con estes resultados non se sabe quen goberna na Arxentina e resulta mesmo “infantil” que o goberno non teña asumido a derrota xa  que a lextimidade da que dispón agora non é a mesma. Moitos dos que agora acaban de chegar ao lexislativo foron K. Dous kirchnerismo convivindo e non se sabe ben cal deles vai seguir gobernando.A carreira  da sustitución de Cristina Fernández Kirchner  xa é un feito.

A esquerda alternativa, un millón e medio de votos

A Frente de Izquierda, que agrupa ao PTS, o PO e  a Izquierda Socialista, recibiron un millón e medio de votos  que segundo o candidato á capital “el Frente de Izquierda entró como bloque”. Pola súa banda, Néstor Pitrola, candidato do FIT, salientou  o feito de “meternos en la discusión importante de la Argentina”. O candidato Christian Castillo ten declarado as bancadas da  Frente de Izquierda son rotativas entre as tres forzas da Frente, un sinal para o lider da FIT de que “no venismo  a atornillarnos  en los sillones ni para transformarnos en una parte más de lo que denunciamos como una casta de políticos profesionales que se dedican a gerenciar los negocios de los grandes empresarios. Nosotros somos militantes de la clase trabajadora, por eso en la Cámara vamos a cobrar lo mismo que un docente o el salario de un trabajador promedio, y el resto de la dieta será para apoyar distintos conflictos de trabajadores y de los sectores populares.

Segundo os portavoces do FIT o resultado do domingo foi un recoñecimento a unha militancia cotiá porque para alén das eleccións están todos os días na loitas. Todos coñecen o programa e  a perspectiva anticapitalista e socialista pola que loitamos,  afirmou Castillo.