A plataforma Nunca Máis convoca unha concentración nacional na Coruña para o día 16 de outubro , coincidindo co inicio do macroxuizo polo atentado do Prestige. A plataforma vén de lembrar que é grazas a un recurso de Nunca máis que o único responsábel do goberno Aznar imputado, José Luis López Sors, director xeral da Mariña Mercante, comparecerá coma imputado.
O vindeiro 13 de novembro cúmprese o décimo aniversario da catástrofe do Prestige que asulagou milleiros de quilómetros da costa galega con chapapote e supuxo o emerxer dunha grande conciencia cívica entre os galegos.