Mañá ás 11h diante da Casa Cornide na Coruña, serán apresentadas novas iniciativas do BNG relacionadas coa recuperación a memoria histórica e a devolución dos bensn incautados polo franquismo.
En rolda de prensa,a eurodeputada Ana Miranda, o concelleiro da Coruña Francisco Jorquera e o historiador Carlos Babío explicarán o contido da denuncia en relación a vulneración da normativa internacional de Dereitos Humanos por parte de España e en relación ao acceso a documentación relacionada co franquismo e a vixencia de fundacións como a Fundación Nacional Francisco Franco, por mor da Resolución sobre o avanzo do neofascismo en Europa, da que Ana Miranda é coautora, e aprobada no Parlamento Europeo o 25 de outubro de 2018.
Francisco Jorquera debullará a denuncia presentada pola familia Franco contra os activistas defensores da devolución dos inmobles incautados durante a ditadura e cuxo xuizo será o 5 de novembro en A Coruña. Dos activistas denunciados participarán na rolda de prensa Salvador González, Carolina Fernández, e Daniel Carballada.