Chama a participar nas europeas “desde nós”. O vídeo, protagonizado por Ana Miranda, mostra a candidata a pendurar roupa nun tendal rente a ría mentres cantarexa “ai das que levan na fronte unha estrela”. Peza por peza, conforme vai ficando cheo o varal, as camisolas coloridas a enxugar resultan ser “bandeiras da dignidade” coas ideas-forza que o BNG defendou no Parlamento Europeo, o relatorio completo da actividade de Miranda na última lexislatura: “o caso Alvia, o saneamento das rías, contra o fascismo, pola liberdade de expresión e pola memoria histórica, contra a mina de Touro, pola franxa de Gaza, polo dereito á vivenda e pola tarifa eléctrica galega, pola sanidade pública,pola pesca, o cerco, o xeito”, entre outros, para rematar, “pola democracia, por Galiza.”