Heredeiros da Crus, Rux Ruxe, Victor Aneiros e Ezetaerre encabezan un cartaz cun gran programa de actividades paralelas e máis bandas ainda por confirmar. Música contra a apatía, a frustración e a inxustiza. Un primeiro avanzo do programa de verán co que O Discalz@s consolídase entre aqueles festivais que son máis ca música: actividades para nenos e nenas en paralelo aos concertos e un posicionamento inequívoco, desde este recanto do Ortega, a favor da cultura comunitaria e a transformación social do país.