O Decano do CPX, a presidenta do Club de Prensa de Ferrol Xulia Díaz e Dario Janeiro deron a coñecer esta mañá o gañador do prestixioso premio en Ferrol. O colectivo de traballadores e traballadoras da CRTVG que loitan contra a manipulación e censura no medio público galego a través da plataforma Defende A Galega son os gañadores da XV edición deste galardón, candidatura eleita entre as diversas propostas presentadas : o ‘Diario de Mallorca’ e as delegacións baleares de Europa Press e Efe; a xornalista Carole Cadwalladr e o xornalista Juan Moreno. Esta sexta feira foi a do 47 ‘Venres Negro’, unha acción que este colectivo vén impulsando vestindo de negro como símbolo de loito polo control político sobre a CRTVG.
Un premio para todas as galegas e galegos, propietari@s dos medios públicos. No seu nome, grazas ao Colexio de @xornalistas, ás persoas que votastes e moi especialmente aos compañeiros doutros medios, públicos e privados, que nos acompañan nesta loita. Seguimos. #DefendeAGalega pic.twitter.com/KyJgZnxPwy
— DefendeAGalega (@DefendeAGalega) April 13, 2019
O Colexio Profesional de Xornalistas de Galiza e o Club de Prensa de Ferrol crearon este premio en homenaxe do cámara ferrolán José Couso, asasinado polos nun tanque estadounidense contra o Hotel Palestina de Bagdad o 8 de abril de 2003, mentres cubría o conflicto bélico en Iraq