O BNG presentará dúas mulleres e dous homes para encabezar as listas de cada provincia. Na Coruña,o secretario xeral da UPG, Néstor Rego, será o cabeza de cartel. O avogado e ex-deputado no Parlamento galego Iago Tabarés, por Ourense; por Lugo Maite Ferreiro -concelleira do Bloque-e Carme da Silva por Pontevedra, tenente de alcalde e exdeputada no Parlamento.
O Consello Nacional do BNG aprobou este sábado as candidaturas coas que aspira a recuperar a súa presenza no Congreso dos Deputados, que perderon en decembro de 2015 por primeira vez en dúas décadas.
As listaxes inclúen persoas de percurso relevante no Bloque como o exalcalde de Allariz Francisco García, número 3 por Ourense, Tereixa Novo para o Senado ou o ex-portavoz nacional Guillerme Vázquez pecha a lista por Pontevedra.As candidaturas insire persoas relevantes do mundo da cultura, como o ilustrador Kiko da Silva na de Pontevedra ou o escritor Suso de Toro e a profesora e poeta Laura Tato pola Coruña.