off
Arte, Cedeira, Pintura — 17 Agosto, 2018 at 11:13

O IV Certame de Pintura Rápida Vila de Cedeira será o vindeiro domingo

por

O Concello de Cedeira incrementou a contía dos premios

[Pingota Comunicación] O Concello de Cedeira organiza para esta fin de semana, o próximo domingo 19, a celebración da cuarta edición do Certame de Pintura Rápida Vila de Cedeira, unha convocatoria aberta á participación de afeccionados e profesionais que este ano chega cun considerabel incremento no importe dos premios. Dos 1.300 euros repartidos no 2017 pásase aos 1.900 euros previstos para esta edición. A cantidade repartirase entre os 800 que recibirá o primeiro clasificado, os 600 cos que se premiará ao segundo e os 500 que se levará o terceiro. Os interesados deben apuntarse, antes das dez da mañá, no punto de información turística situado na praza da Marieta. O concurso dará comezo ás dez da mañá e finalizará ás cinco da tarde, polo que os participantes disporán de sete horas para plasmar os encantos da vila. A decisión do xurado, que estará integrado por Adrián Taracido, Jane Danko e Jesús Carballeira, darase a coñecer ás seis da tarde na Sala Áncora, situada na praza Roxa. Todas as obras premiadas pasarán a ser propiedade do Concello. Os organizadores animan a veciños e visitantes a participar nunha convocatoria na que o ano pasado tomaron parte un total de 24 artistas -sete máis que no 2016- chegados de moi distintos lugares da xeografía galega. De feito o primeiro e o segundo premio correspondieron a Eduardo Pérez Baamonde, de Cambados, e José Carlos Triñones Buceta, de Rianxo. Manuel Carballeira, de Valdoviño, quedou terceiro.

Deixar unha resposta

Ten que ser rexistrado para publicar un comentario.

off
A %d blogueros les gusta esto: