off
Globalización, Mundo, Politica internacional — 9 Xaneiro, 2018 at 08:02

33.000 persoas morreran no Mediterráneo dende o ano 2000 segundo a OIM

por

Este sábado afogaran 64 persoas  fronte a costa de Libia. As mortes representan a primeira traxedia migratoria a grande escala de 2018 no Mediterráneo. Un total de 2.832 inmigrantes morreron na ruta mediterránea central entre Libia e Italia en 2017, descendendo de 4.581 en 2016. O número de inmigrantes que chegaron a Italia en 2017 foi de 119.310 (181.436 en 2016)

Segundo a Organización Internacional para as Migracións (OIM) a cifra de persoas que perderan a vida neste  mar desde o ano 2000 pasa das 33.000 persoas . Ainda que a cifra diminuiu en 2017  rexistrándose alomenos 3.116 mortos (sen incluir alomenos duas mortes rexistradas a final de decembro en Libia e en Turquía)  fronte aos 5,143 de 2016, segundo o último relatorio da OIM. O total mundial de mortes rexistradas de migrantes para 2017 – 5.376 – é un terzo por baixo do total mundial do ano 2016, de 7.932.

171.635 migrantes e refuxiados que chegaran a Europa por vía marítima en 2017, pouco menos do 70% chegados a Italia e o resto dividido entre Grecia, Chipre e España, contrasta coas 363.504 persoas chegadas  á zona no mesmo período do ano anterior. Porén, segundo o relatorio, en 2017 Europa  foi máis perigosa que en anos anteriores – con 94 mortes rexistradas en comparación ás 62 de 2016. A nivel mundial o Proxecto Migrantes Desaparecidos da OIM rexistrou a morte de 5.376 migrantes entre o  1 de xaneiro e 31 de decembro de 2017. Os investigadores da OIM advirten que grande cantidade de fontes de datos mundiais – entre as cales os examinadores médicos locais, as ONG e os departamentos de policía, non xeraron ainda relatorios coas cifra total de mortes para o ano 2017. O que significa que a cantidade de mortes de migrantes rexistradas en 2017  poderá aumentar. No que vai de 2018 morreron ou desapareceron 81 persoas.

Deixar unha resposta

— required *

— required *

off
A %d blogueros les gusta esto: