Salvamento Marítimo alertou dos riscos para a navegación da perda de entre 30 e 45 contenedores que arestora van á deriva na costa galega. Porén, até o momento a páxina web de Salvamento Marítimo non informa desta perda de carga producida o pasado venres dia 5 cando o buque de carga MSC Eloane navegaba perto do dispositivo de separación de tráfego de Fisterra. Ao parecer os contenedores perdidos a 40 millas da costa non levan “mercadoría perigosa” e Salvamento Marítimo está a alertar dende o aviso da perda a embarcacións e navegantes da zona. O MSC Eloane, de 400 metros de eslora e 58,85 metros de manga, construido en 2016 e con bandeira de Liberia, saiu de Rotterdam o pasado dia 2 rumbo a Tanger.
O