Quen afirma “dóeme Catalunya” ou dí ser ” militante da Galiza” en pleno debate da autonomía esquece sistemáticamente os intereses de cidadanía do pobo galego. Porque tanto a fixación da data como o tempo adicado por Feijoó ao referendo en Cataluña condicionou o resto do debate. Pouco lle debe magoar o desprazamento e ocultación da realidade galega cando elide o debate do importante. Das proposta de resolución só foran aprobadas as 40 do PP, cuxa maioría absoluta lle permitiu rexeitar todas as demais. Das aprobadas, 22 fóron o co único voto favorabel dos propios populares mentres que cinco saíron adiante despois de que o PP aceptase algún tipo de negociación cos partidos da oposición.
Desde que goberna Rajoy en Madrid non fai mais que apañar esmolas e facer delas un trunfo. Porén, Euskadi apaña máis de 4.000 millóns de euros, entanto o presidente Alberte Núñez Feijoó, axindo como funcionario do PP ao ditado ideolóxico da FAES, conforma con 920 millóns de investimentos do estado en infraestructuras.
O investimento en Galiza baixa 1000 millóns
Tamén en Galiza o PP utiliza Cataluña como coartada para deturpar calquera radicación na realidade galega e elidir o debate competencial. Na práctica unha negación do suxeito político galego.
A defensa da súa política substanciouse no seguidismo das políticas de Mariano Rajoy, elidindo os retos democráticos abertos desde Cataluña e obviando que os salarios e as pensións dos galegos e galegas son os máis baixos do estado, estimular a desfeita da megamineria ou ignorar que os impostos galegos van para Madrid. Seica o problema de Galiza é Cataluña? Ou máis ben, o preocupante, o desleixo e a submisión dun goberno que axe aos ditados de Madrid, con acumulación de incumprimentos e adiamentos sistemáticos en infraestructuras: Fomento adía mais unha vez a chegada do AVE, tamén prometera que a Xunta financiaría o AVE a Lugo e un centro de día en cada concello, a activación de PEMEX en Punta Langosteira, un concurso eólico, listas cero nas escolas infantís, porén a súa bagaxe suma incumprimentos e vetos perante do rexeitamento de Fomento da transferencia de competencias ( a competencia da AP9 reclamada polo BNG para acabar coas peaxes) ou o impago da débeda de 150 millóns do estado en políticas de dependencia.
Nesta lexislatura reducíranse o número de camas en hospitais públicos, aumentando a media das listas de espera. No horizonte a supresión de varias áreas sanitarias. De feito, Feijoó vén de derivar 100 millóns da sanidade pública á privada. O grau de execución do programa de conciliación da vida laboral só acadou o 3,2 % segundo os orzamentos da Xunta. Nesa xeira, o goberno Feijoó só executou 3 de cada 10 euros no programa de loita contra a violencia de xénero.
Após catro anos, o goberno Feijoó adicouse a blocar a comisión de investigación do desfalco das Caixas , mas tamén a do accidente ferroviario de Angrois.
Galiza, foto fixa: privatizacións, incumprimentos e paralización do país.
