Reportaxe fotográfica de Berta M. S.
Os maios” é unha celebración popular que se fai nalgunhas zonas de Galicia dende moi antigo, para conmemorar a chegada da primavera e o remate do duro inverno, e propiciar deste xeito as boas colleitas. Forma parte do chamado “Ciclo do Maio”, época de exaltación da natureza, da floración das plantas e da aparición dos primeiros froitos. Hoxendia, esta festa é das últimas manifestacións que festexan en Galicia o final do inverno. Adoita haber diversas tipoloxías constructivas de “Maios”, mas as máis coñecidas son as que teñen feitura cónica e lembran a forma das árbores máis ou menos estilizadas, e os creativos, cando adoptan calquera figura, desde o vizoso ramo de loureiro até a casiña ou pazo, un apeiro, un cruceiro, unha igrexa, etc. De vello o maio era cantado, predominando como no antroido a cantiga satírica coas institucións públicas, partidos políticos, persoeiros da vila…Que reverdeza !