off
Cedeira, Movementos sociais, Traballo — 26 Abril, 2017 at 07:44

A CIG convoca concentración a prol de recuperarmos os nosos dereitos na Praza Roxa de Cedeira

por Redacción

O venres 28 de abril ás 20 h baixo o lema “recuperemos os nosos dereitos” dentro dunha campaña que marcará a celebración do 1º de Maio e que comezou o pasado 10 de marzo co dia da Clase Obreira Galega.

A CIG aproveitará a celebración do Primeiro de Maio, Día Internacional da Clase Obreira, para continuar coa súa campaña a prol da recuperación dos dereitos laborais e sociais roubados coa escusa da crise e para reclamar a derrogación das sucesivas reformas antiobreiras. A central conmemorará esta data coa convocatoria de 13 mobilizacións nas principais localidades do país baixo o lema “Recuperar os nosos dereitos, derrotar as reformas”.

Os últimos anos máis de 130.000 galegos/as, principalmente mozos/as, marcharon á emigración buscando traballo, polo que se en lugar de emigrar ficasen aquí o desemprego real superaría o 30%.

Dende a CIG lembran que nos últimos oito anos os diferentes gobernos do PP e do PSOE atacaron por medio de reformas lexislativas os principais dereitos conquistados pola clase traballadora na súa historia constante de loita. “Amparados na crise tomaron por asalto as nosas pensións, os dereitos laborais, os salarios, reduciron a nosa protección e cobertura sanitaria, etc”, afirman.

 

Deixar unha resposta

— required *

— required *

off
%d bloggers like this: