O 17 de marzo os mediadores comunicaran no xornal francés “Le Monde” que o 8 de abril ETA realizaría o seu desarmamento total.
A ETA afirma agora, nunha carta á BBC, que xa é “unha organziación desarmada” e que o seu arsenal está nas maos de “representantes da sociedae civil basca”. Talvez este sexa o paso cara a súa disolución, ainda que o paso definitivo pode demorar pola falta de iniciativa dos estados francés e español. O dia anunciado de entrega era este sábado mas no comunicado con data desta sexta-feira, publicado pola BBC, afírmase que o arsenal xa non está nas súas maos. No comunicado afírmase que “foi duro e dificil” a causa dos “atrancos” dos estado español e francés que mais unha vez distanciaranse da cerimónia de Baiona. A anterior cerimónia, en decembro, foi anulada pola policia francesa, que detivo os participantes. Por isso, o principal intermediário, o ecoloxista francés Jean-Noël Etcheverry, Txetx, convocou a presenza de centenas de persoas a fin de imposibilitar novas detencións. No entanto, agradace o apoio que o proceso de desarmamento recebiu das autoridades bascas. Un caso único de desarmamento no mundo por intermediación da sociedade civil basca francesa á marxe dos estados implicados, denominados “artesáns da paz”. Etcheverry garantiu ao Le Monde que a ETA confioulles a xestión do seu arsenal e a responsabilidade do desarmamento. Garante que sábado á noite, “a ETA estará totalmente desarmada”.
A disolución da organización armada deixará o PP sen argumentos para o inmobilismo
ETA ten apelado aos representantes de organizacións relacionadas para tentar novamente encenar seu desarmamento voluntário depois que o goberno español non quiser chegar a un fin negociado e após o fracaso da entrega de armas de 2014. Naquele ano , ‘verificadores internacionais’ recoñerceran na Audiencia Nacional que os terroristas tiñan levado as armas preparadas para a entrega.
Alén diso, pola primeira vez a Audiencia Nacional mostrou a súa vontade de supervisar os derradeiros depósitos de armas que a ETA entregará o sábado na localidade do país basco do norte de Baiona. O xulgado central de instrución número 6 admitiu a trámite unha denuncia que a fiscalía presentou a samana pasada. Co alvo de pedir colaboración ás autoridades francesas para que a Audiencia Nacional poida analisar o arsenal entregado, segundo confirmaran fontes fiscais a Europa Press.
O lehendakari Urkullo afirma que “ainda non toca falar” e que non haberá declaracións até confirmación do desarmamento
A banda afirma que comezou a loita armada “polo pobo basco” e que agora “deixa as armas nas súas maos” . Porén, alerta que o proceso “non está acabado” e advirte dos posibeis ataques perpetrados polos “inimigos da paz”. Non será un proceso linear. Na entrega, marcada para este sábado, o o Comité Internacional de Verificación recebiría un mapa da localización dos seus últimos depósitos de armas sob a coordinación do cingalés Ram Manikaningam, para que este o transmita á Xustiza francesa. O ministerio público analisará se o depósito de armas pode conter probas ou evidencia que poderian clarexar algúns asasinatos. A decisión da Audiencia Nacional adoptouse dous dias antes da data límite marcada polos mediadores escolleitos pola ETA para que a organización entregue as armas.
