Este mércores o Teatro Rosalía de Castro acolle a XXI edición dos Premios María Casares, aos que optan 13 finalistas dun total de 44 espectáculos apresentados e por volta de 400 profesionais.
O concelleiro de Culturas do Concello da Coruña, José Manuel Sande e a vicepresidenta da Asociación de Actores e Actrices de Galicia (AAAG), Mabel Rivera, presentaron esta edición acompañados do director da Axencia Galega das Industrias Culturais (Agadic, a vicepresidenta da Deputación da Coruña, Goretti Sanmartín, e o actor Pepo Suevos, que será o presentador da gala.Mabel Rivera insistiu en que cómpre “colaborar entre todos” para que a actividade teatral sexa “todos os días do ano”.
O evento será retransmitido en ‘streaming’ a través da páxina web da TVG e en diferido pola canle nacional a partir das 23,45 horas.
Sande subliño que o goberno coruñés está “pola creación e as artes escénicas”, entanto Sanmartín, vicepresidenta provincial, subliñou a “efervescencia cultural” do país. Alén diso, defendeu a necesidade de “diálogo” entre as administracións e as industrias do teatro pondo como exemplo aa Rede Cultural da Deputación. O responsabel do Agadic cualificou estes premios de “fundamentais” como “incentivo profesional e para dar visibilidade ao teatro galego”.
